Monday, July 29, 2013

تنسيقات العيد ^_^ كوني جريئة ومميزة

السلام عليكم "

كيفكم بنوتات ؟؟

سامحوني أتأخرت عليكم كثير بالبوست دا
كان المفروض أحطه من بدري :"( بس انتو عارفين رمضان وحوسة وزحمة


طبعاً بدأنا نتسوق ونختار ملابس وأكسسوارات وشوزات العيد
مهما كان عندنا ملابس والدولاب قرب ينفجر وأمهاتنا يقولوا كفاية
ضرووووري نشتري جديد عشان نحس أننا معيدين صدق ههههههههه

وطبعاً كثير مننا يدخل السوق وتحووووووووووس
وبالأخير ماتطلع بشي ^_^ محسوبتكم تطلع بعفش كثير بس بدون فايدة

عشان كدا رح أبدأ معاكم بكم نقطة أعتبرها مهمة جداً جداًاً من وجهة نظري وحتفيدكم كثير وأنتوا تفرفروا بالسوق ..
~~~~~~~
أول شي أختاري على ذوقك أنتي
سيبي الناس اللي حولك
مايخالف أنك تاخذين رأي أختك أو أمك أو صديقتك لكن مدام الشي عاجبك وماأقتنعتي بوجهة نظر الشخص الثاني أذن خليكي على أختيارك
لأنك أنتي اللي حتلبسيه وأنتي اللي حترتاحي فيه
~~~~~~
ثاني شي بجد بجد حلو أنك تكوني جريئة في أختياراتك
دايما حطي ببالك تطلعي مميزة ومحد زيك
حتى لو أخذتي قطعة أخذوها مليون بنت غيرك تقدري أنتي بطريقتك تلبسيها بشكل مختلف
~~~~~~~
ثالث شي بما أننا صيف وحركات والأحلى من كدا أننا بنوتات
أختاري ألوان زاهية
وأذا كنتي تحبي الرسمي والألوان النتشورال أذن ألعبي بالاكسسوارات وصدقيني لها طلة فضييييعة

^______^
أدري تقولون خلصينا وأبدأي بالتنسيقات

يالله نبدأ ^_^

رح أبدأ بتنسيقات تنفع للنهار أو العصرية بشكل أصح
وبعدها رح تتدرج التنسيقات لأشياء تناسب السهرات والعزايم البسيطة
وبعدها حنروح عالأشياء الرسمية وحقت العزايم الكبيرة

أهم شي تكوني مميزة بأي وقت وأي مكان























































































شرآآآآآآآآآآيكم ؟؟؟؟؟؟
أن شاء الله تكون التنسيقات عجبتكم
جمعت لكم مجموعة كبيرة وان شاء الله تكون كافية ^_^
كمان ركزت على موضوع أني أنوع بالستايلات حسب المجتمع والأذواق الشخصية
وكمآآآن أكيد ملاحظين أني كررت قطع كثيرة في التنسيقات
وهذا درس لكم عشان تستخدموا كل قطعه أكثر من مره وكل مره بشكل مميز ومختلف عن اللي قبله
 وكالعادة حابة أقولكم أنو أغلب أختياراتي كانت من
نيولوك - بيرشكا - فورايفر 21 - اتش اند ام - ستراديفاريوس
وغالبا حتلاقوها متوفرة بالمحلات
وبما أنكم حبيباتي فأكيد لكم الحق تتدلعوا عليا وتقولولي أيش حابين تدوينات قبل العيد
وقولولي كمان لو كنتوا حابين أعمل سلسلة لوكات مكياج العيد ^_^ وأكيد حتكون بالتفصيل الممل
بإنتظار رأيكم في الكومنتات وع تويتر وانستغرام
بجد بجد أتمنى يكون عجبكم البوست
ولو عجبكم لا تنسوا تعملوا ريتويت عشان تفيدوا غيركم ^_^
كمان لا تنسوا تتابعوني على تويتر وانستغرام
@zekraalsolami
ولا تنسوا تتابعوني عالبلوق لوفين
عن طريق برج أيفل اللي عاليمين ^_^
احبكم
Love
XOXO

Thursday, July 25, 2013

ألذ وأطعم وأسهل تشيزكيك تقدميه لحبايبك ^_^

السلام عليكم "
كيفكم ياحلوات ؟؟؟
^_^ وعدتكم أنزل لكم طريقة التشيز كيك اللي عملته يوم العزيمة
عارفة اتأخرت عليكم بس عدوها ليا ^_^
نبدأ بالمقادير ^_^
الطبقة الأولى
بسكوت شاهي
فنجان قهوة سكر خشن
اصبع زبدة صغير
الطبقة الثانية
كاسة لبن
كاسة سكر
كاستين حليب بودرة
مغلفين دريم ويب
ستة حبات جبنة كيري
الطبقة الثالثة
جيلي فراولة
قطع فراولة طازجة
ولو تحبي أضيفي حشوة فطيرة الكرز
الطريقة
أول شي نطحن البسكوت ونضيف له السكر عشان يعطينا شوية قرمشة ^_^ وبعدها نضيف له الزبدة
نوزع البسكوت في الصينية حقتنا أو في الكاسات اللي حتستخدميها
نجي للطبقة الثانية
نحط كل المقادير حقت الطبقة الثانية في الخلاط ونخلطها سوا
ونحطها فوق البسكوت
وندخلها في الفرن على درجة حرارة خفيييفة
يعني لحد ماتجمد من فوق
من غير ماتشقر أو يتغير لونها
بعد كدا نطلعها برا ونخليها تبرد شوية ونضيف فوقها الجلي بأي نوع تحبيه
أنا استخدمت الفراولة
وكمان أضفت معاها حشوة فطيرة الكرز ^_^ هذا المكون السري هههههههه 
وبعد مابردت زينتها بقطع الفراولة الطازجة
وبس ^_^ هذي هي النتيجة
ان شاء الله تكون الوصفة عجبتكم ^_^
عووااااافي
ياريت اللي تطبق الوصفة تصورها وتفرحني بالصورة ع تويتر أو الأنستغرام
@zekraalsolami
Love
XOXO

Sunday, July 21, 2013

يومي الرمضاني ^_^ عزيمة عالفطور

السلام عليكم "

اليوم البوست تقريباً يعتبر
Vlog
رح تشوفوا فيه تحضيراتنا لعزيمة عالفطور
كنا عازمين قرايبنا ^_^

طبعاً التحضير بدأ من اليوم اللي قبله ^^

يالله نشوف الصور مع بعض
أول شي عملته ماما أنها وزعت الرطب والتمر في صحونها وخلتها على جنب
وعملت الكريمة وحطيناها بالثلاجة تبرد
وانا عملت التشيز كيك وحطيته بالثلاجة كمان
^_^
حتلاقوا طريقته في المدونة بعد كم يوم
^_^ كثييييييييييير ناس عجبهم عشان كدا قلت أعطيكم الوصفة وتعملوها لحبايبكم

لفينا سمبوسة اللحمة والجبنة وحطيناها في الفريزر
وهذا شكل اللحمة ^___^ يمي طعمها خوووررراااااافة
ماما اللي عاملتها
صحينا اليوم الثاني اللي هوا يوم العزيمة وبدأنا الشغل من 11 الصباح
^_^ عملت البف باستري وحطيته في الفرن
عملت عجينة اللقيمات ^_^ أختصاصي دا الشي
وبدأت أختي غدي تسوي طبقها اللي ماأعرف ايش اسمو
لكن هوا عبارة عن قطع خبز صامولي تقطعها شرايح عريضة
وتحط فوقها خلطة دجاج ومايونيز وجبنة وقشطة
وترش عليها موزوريلا
طعمها خيآآآآآآآآآآآآآآآآآآآآآي
حتشوفوا صورتها تحت بعد ما خلصناها
ماما عملت المعجنات وخبزتها وخلصت منها
أختصاصها طبعاً
بعدين أنتبهنا للهبلة جوري جاية ببطانيتها ومخدتها ونامت في الصالة هههههههههههه
نرجع للمطبخ ^_^
خلصت البف باستري ولا تطالعوان في الكم حبة المحروقة اللي ماما قتلتني بسببها
ترررررررررراااا
هذا شكل الطبق اللي عملته غدي بعد ماخلص
يجنن صح ؟؟ طعمه احلى مليون مرررررره
 ع الساعة 6 تقريباً بدأنا بالقلي وتجهيز السفرة
وماما عملت هذا الشي
أدري أغلبكم مايعرفه
أسمه خواضة
معروف عندنا أحنا السلمان ^_^
عبارة عن دقيق دخن مخلوط بالسمن البري
وطبعا السمن البري من يدين جدتي عساها للجنه ^_^ هيا اللي تسويه وتعطينا منه دايما
وتتأكل الخواضة مع التمر والرطب
بس مشكلته يسممممممممممممممممممممن بقوة
عشان كذا علاقتي فيه سيئة رغم أني أحب طعمه
خلصنا قلي أصابع السربينغ رول
والسمبوسة اللي تهد الحيل
وبدأت ماما تجهز سفرة الرجال ^_^
صورة جوية
هنا بعد ماحطينا أغلب الأطباق عالسفرة بس كان باقي الايدام والمعكرونة والشوربة والسلطات
ماينفع نحطهابدري لازم قبل الأذان بدقايق
وطبعا مافي وقت أني اصور
صورة أوضح ^_^
طبعا سفرة الحريم مرررره مرره نسيت اصورها وأساسا ماكان فيه مجال أني اصورها لأنو حضرناها قبل الفطور بشوية وكانوا الضيوف موجودين
لكن لقطت صورة سريعة بالآيفون من غير محد ينتبه خخخخخخخخخخخ
بعد الفطور بدأنا بالهم اللي كنا خايفين منو
الموآآآآآآآآآآآآآآآآآآآعييييييييييين وتنظيف المطبخ
طبعا ماما حالفة عليما نساعد الشغالة
ومتوعدة تذبحنا لو خليناها تسوي الشغل لوحدها
:"( وخلصنا بعد جهد جهيييييييييد
وووووووووبس
بكذا أكون خلصت يومي الرمضاني اللي من أوله لآخره كرررررررررف هههههه
أتمنيت أصور فيديو كمان لكن انتوا عارفين حوسة وكركبة والوضع مايساعد ^_^
إن شاء الله أعمل لكم أيام رمضانية أحلى وأرتب من كدا ^_^
أحبكم " وتقبل الله صيامكم وقيامكم
Love
XOXO